ZALEN February 13, 2024 : Mizoram District pakua-a Village Council leh Local Council inthlan February 12, 2025-a neih-ah Mamit District chu vote tlak thatna ber niin 77.1%-in vote an thlak a, mihring tamna ber Aizawl district-ah Local Council ah vote tla zat 63.87% niin, Village Council ah 50.83% a ni.

Mamit District chhungah hian Village Council 92-a awm a, Voters 63613 awmah hian mipa Voters 24679 leh hmeichhia 24293 a vaiin Vote 49158 tla-in 77.1% a ni. Village Council Seats hi General 310, Reserved 98 a vaiin seats 408 a awm a ni.

Aizawl district-a Local Council/ Village Council Inthlanah vote thlak Local Council ah 63.87% niin, Village Council ah 50.83% a ni. Aizawl District-ah Village Council 70 a awm a. Voter 65,076 (mipa 31,611, hmeichhia 33,465) atangin vawiin a vote tla zawng zawng chu 32940 (50.62%) a ni a. Election duty avanga vote lo thlak hmasa 138 nen a belhin a vaiin vote 33708 (50.83%) a tla a ni.

Aizawl Municipal Council huam chhungah Local Council 87 zinga 86 ah inthlanna neih niin, voter 2,41,076 (mipa 1,10,965; Hmeichhia 1,30,111) awmin, vote tla 1,52,506 (63.26%) a ni a. Election duty avanga vote lo thlak hmasak tawh nen belhkhawmin a vaiin Local Council 86 ah hian vote 1,53,986 (63.87%) a tla a ni.

Lunglei District chhunga village council (VC) 85 leh Lunglei Municipal Council (LMC) huam chhunga local council (LC) 24-ah a pum puia vote awm zawng zawng 92,669 atangin vote 70,513 (76.09%) a tla.

Lunglei District-a VC 88 leh LC 24 awmah VC pahnih Sailen leh Sumasumi-ah te chuan inthlan chuhtu awm loh avangin vote thlak ngai lova tlinga puan an ni a. Lalnutui-ah candidate thi a awm avangin vawiin February 13, 2025 (Ningani)-a vote thlak a ni.

Champhai District chhunga Village Council 61-ah vote za zela 71.73% a tla a, Champhai District-ah hian Village Council 62 a awm a, Vangchhia-ah inthlan huaihawt ngai lovin, chuhtu awm lovin Candidate 5 te tling ah puan an ni tawh a, Hei bakah hian Buangah Reserved Seat-ah MNF Candidate chu tling a puan a ni a, Melbukah Reserved Seat-ah chuhtu awm lovin ZPM Candidate chu tling a puan a ni bawk.

Kolasib District chhunga Village Council 60-ah te inthlan buatsaih a ni a. Inthlan hi boruak muanawm tak hnuaiah neih zawh niin, vawiin a Ballot a vote tla zawng zawng hi za zela 72.27% a ni a, PED vote chhiar telin za zela 72.66% tun tum VC inthlanpuiah hian a tla a thung a ni.

Kolasib District-ah hian Village Council 60 a awm a, Kawnpui IV VC-ah chuhtu an awmlo a ni. Kolasib District VC 60 ah te hian voter 63350 - mipa 30404 leh hmeichhia 32946 an awm a. Vawiinah hian ballot ah vote 45782 a tla a, mipa 22060 leh hmeichhia 23722 ten vote an thlak a ni.

Serchhip District khaw hrang hrangah khaikhawmin vote 75.87% a tla. Serchhip District ah hian Village Council 56 awmin voter 50,594 a awm a. Heng zinga mi 37,187, hmeichhia 18,801, mipa 18,386 ten vote an thlak a. Chuhtu awm loa tling 7 an awm bawk a ni.

Saitual District-ah mi 28,645 in vote thlakin, vote tla zat chu 100 zela 72.03% a ni. VC Inthlanpui 2025-ah hian Saitual District chhungah candidate 513 awmin, heng zingah hian General Candidate mi 395 an awm a, Reserved Candidate hi 118 an awm bawk a ni. Hrianghmun Village Council-ah member pathumte chu uncontested-a tlinga puan an ni.

Hnahthial District-ah uncontested VC voters tel lovin vote hi 22,936 awmin Village Council zawng zawngah vote 16,904 a tla a. Vote tla (Voter turnout) hi 100 zelah 73.7 (73.7%) a ni. ZPM chiah dinna, Uncontested VC pahnih, Lungpuitlang leh New Kawnpui awmin heng VC-ah hian ZPM candidates te chu tlinga puan an ni a. A pumpuiah Mipa vote nei hi 11,343 awmin Hmeichhia vote nei hi 11,759 an awm.

Khawzawl district-a vote tla zat chu 73.93% a a ni.    Khawzawl district-ah hian village council 38 a awm a, polling station 63-ah then hran an ni. Village council electoral roll-ah hian voter 27,726 awmin mipa 13,782 leh hmeichhia 13,944 an ni. Tualpui hi chuhtu awm lovin ZPM candidate pathum an chak.