Aizawl: Samlukhai khua chuan Venghlui Local Task Force te hnenah chawhmeh tam tham tak an pe, Samlukhai Village Local Task Force chung-ah Venghlui Local Level Task Force chu an lawm hle.

Tunlai hri leng lar tak COVID-19 avanga rampumin buaina kan tawh mekah Samlukhai Village Local Task Force hian luanchhuahna neiin an thlai tharte Venghlui Local Level Task Force hnenah an hlan a, Samlukhai Village Local Task Force chungah Venghlui Local Level Task Force chuan lawmawm an tih thu ZALEN an hrilh.

Samlukhai Village Local Task Force ten Venghlui Local Task Force hnena thlai an pek hi chi hrang 21 niin, Pick-Up 2 a phur zet a ni a. Thlai an pekte chu - Thingthupui - tel 143, Phuihnam - tel 298, Pelh - tel 631, Saptheihnah - tel 262, Kharek - 26, Saisu - tel 428, Sihneh - tel 173, Chingit - tel 321, Pudina - tel 70, Ankhate - tel 67, Iskut hnah - tel 7, Khanghu - tel 152, Bahkhawr - tel 49, Zawngtah ro - kg 16, Changlawng - kg 263, Tawkte - tel 42, Kawhtebel - tel 21, Tumbu - kg 289, Aidusentil - kg 147, Sawhthing - kg 4, Bal - kg 13 te a ni.