India ram hmun thehkhatah tui harsatna a nasa chho zel a, tun hnai pawh khan video viral a awm. He video-ah hian nu pakhat chu tui chawi turin tuichhunchhuah chhungah inevenhimna tel loa a chhuk lai a lang a, video hi a darh ta chiam a ni - BBC meuh pawhin hemi chanchin hi an ziak. 

He thil hi Madhya Pradesh-a thleng a ni a, rei lote chhungin he video hian social media a luah nghal. Video-ah hian nu pakhat chu tui chawina hmanrua nen tuichhunchhuahah chhungah a chhuk a, invenna engmah a nei lo. Hrui tak ngial pawh a hmang lo a, hei hian tui an mawh zia leh an dinhmun that loh zia a tarlang niin mi tam tak chuan an ngai.  

Madhya Pradesh-a Ghusiya khuaah hian tui a harsa hle a, tuichhunchhuah tam zawk leh tuikhuah thenkhat te chu a kang char vek tawh a, mipui an mangang hle. Tui lama harsatna hi India ram hmun thenkhatah pawh a thleng mek bawk. Kumin April thla khan Maharashtra-ah hetiang thil hi a lo thleng tawh bawk a, hmeichhe pakhat tuichhunchhuaha a lut lai video chu a darh chiam tawh a ni. 

Global report 2019 atanga a lan dan chuan India chu khawvela tui harsat zualna ram 17 zingah a tel a ni. Madhya Pradesh, Punjab, Rajasthan, Uttar Pradesh, Gujarat, Uttarakhand leh Haryana te chu tui harsat zualna state an ni.