Aizawl August 10, 2022: Election Commission of India (ECI) chuan Vote nei tura qualifying date kum khat chhunga vawi khat chiah siam thin chu Vote nei thei tam tak tan a fuh tawk loh avangin a siam tha a, qualifying date tum 4 a awm tawh ang.

ECI rawtna angin Ministry of Law & Justice chuan RP ACT siamthatna a pawm angin tunah chuan kum khat chhunga qualifying date, tum khat chauh awm thin chu tum li a awm tawh dawn a, January 1-a kum tling hman lo tan April 1, July 1 leh October 1-ah te vote neih theihna hun tha a neih belh tawh dawn a ni. 

Hei hian inthlanna a awm hma deuh chiaha kumtling hman, vote nei hman si lo te harsatna thin kha a ti tawp dawn a ni. India khua leh tui kum 17 tling tawh phawt chuan kum 18 a tlin hmaiin vote neih dilna a lo thehlut lawk theih tawh dawn a ni.