Aizawl: Aizawl West 3 bialtu MLA, VL Zaithanzama chuan a bial chhung veng hrang hrangah Covid-19 vanga Lockdown kalpui a nih lai leh mi tam takin harsatna an tawh laiin a mamawhtute tan a bial chhungah inhlawhna Local Task Force kaltlangin a siamsak.

MLA hian lockdown vanga inhlawh thei lo leh inhlawhna tur nei lo te tan an thawh theih tur te zawngin veng chhung Local Task Force te nen veng tana chhenfakawm tur hnathawh tur te en hovin uluk takin ruahmanna siam a ni a. Task Force kaihhruainain veng chhunga inhlawh tur ten an theih ang ang thawkin mihring tih theih bak JCB te ruaiin kawng thar ?ha tak tak te siam mek a ni a, a remchan anga hmalakna hi kawng hrang hranga kalpui zel tum a ni. Khatla South, Nursery veng, Bungkawn, Lawipu leh Maubawk vengah te lockdown inhlawhna hna thawh hi kalpui a ni a. Veng chhung mipuite leh khawtlang hruaituten bialtu MLA hmalaknaah lawmawm an ti hle.

Covid-19 hrileng vanga lockdown kalpui a nih atangin VL Zaithanzama hian a bial chhung mipui te a ngaihtuah hle a. Vawi tam tak bial chhung a tlawh chhuak a, ei leh in, invenna hmanrua, thlai chi te semin nasa takin hma a lo la tawh ?hin a, bial chhung mipuite leh veng hruaitute pawn lawmawm an ti tak zet a ni.

Aizawl West - 3 MLA VL Zaithanzama chuan, '"Covid-19 hrileng hlauhawm tak avanga lockdown a nih mek lai hian mi tam takin harsatna an tawk tih kan hria a, ka bial chhungah pawh harsatna tawk an awm tih hriain nasa takin Task Force hruaitute leh veng hrang hranga ZPM Block leh Unit hruaitute nen pawh hma kan la a. Ka bial chhunga veng hrang hrang Task Force hotute ka fak hle a, thawhhona tha tak nen ram leh hnam tan rawng kan bawlho thei hi lawmawm ka ti tak zet a ni," a ti a. Bial mipui ten an tawiawmna ah lawmthu a sawi bawk.