August 7, 2023; Mi khawngaih ngai reng a awm hi a hrehawm ka ti, ti chung a hnual chuang ngai si lo, V. Kungtea, West Saizawh nunah hian zir tur tam tak a awm a, zir tlak hlir a ni a tih theih ang.

A pianphung-ah mite pian ang a pha lo a, tun thlengin zun leh ek ah pawh puih ngai a ni. Mahni a kal chi rual a ni hek lo. Chuti chung chuan hnual mailo in, lehkha ziak leh chhiar-ah thang a chhuah tih ngam khawpin a hrat lak a, a ngaihsan Mafaa Hauhnar (L) thu leh hla leh Radio in a inchawm a, tun ah chuan Article ringawt pawh 100 chuang a ziak tawh a, lehkhabu puitling 'Cabin Kamchhuak' a tichhuak hial tawh bawk.

A nunkawng zawhah mite khawngaih ngai nih reng chu a hrehawm tih a ni fo a, chuti chung chuan mahni indahhniam duh bik mai loin, thluak fim tak Pathian in a pek chu hmang tangkaiin, tunah chuan mi tam takte hriat a lo ni tawh a, a thu leh hla ngaichang pawh social media leh chanchinbu lam thleng in mi tam tak kan awm ta a nih hi!.

Pawl 5 thleng lehkha a zir a, ziak leh chhiarah harsatna a nei lo. Kum 17 chhung lehkhabu ah nitin diary a ziak tawh a, article leh lehkhabu erawh phone hmang vekin a type/ziak thung.

V. Kungtea anga rilru paukhauh, hnual mai duh lo thinlung pu hian Zofa thangtharte hi zir tur leh zir tlak tam tak min hnutchhiah a, khawvel huap pawhin ani ang mi paukhauh hi chhiar tur an tam bikin a rinawm loh!