WhatsApp - Feature thar a hnai

Admin - Nov 07, 2021

Facebook, Instagram leh WhatsApp khaikhawmtu tur Meta?

Tun lai chu Mark Zuckerberg leh a thawhpuiten thawm an nei chho mawlh mawlh mai. Tun hnai khan Facebook company hming chu 'Meta' tia thlak a nih thu leh an app lar pathum - Facebook, Instagram leh WhatsApp te khaikhawmtu tur a nih thu an sawi. 

Tun hnai khan WhatsApp tan feature thar chhawpchhuah a nih tur thu an sawi bawk. WhatsApp feature thar tur hi ‘Delete for Everyone’ a ni a, hei hi 2017 khan bultan niin delete theih hun chhung pawhsei a ni dawn. Group velah thu post sual changin delete leh tum ngial thin mah ila hun a lo kal thui deuh tawh chuan a mangan thlak thin zia chu kan hriat theuh kha - feature tharah chuan khatiang harsatna kha nasa takin a sutkian theih beisei a ni. 

A tirah chuan minute sarih chhunga delete leh theih a ni a, a hnuah darkar khatah pawhsei a ni. Mahse hi pawh hi a la rei tawk lo tiin company lam chuan siam tha turin ruahmanna an siam fel tawh - hman tan theih hun tur erawh tarlan a la ni lo thung. 

Share now