WhatsApp Group-a member awm thei zat chu 512-ah tihpun a ni a, hei bakah hian feature thar dang eng emaw zat a awm bawk. Emoji reaction an chhawpchhuah thar bakah, WhatsApp message edit leh theihna a awm thar dawn. Hei mai hi a la ni lo, file inthawn theih len zawng chu 2GB thlenga tihlen a ni bawk - WhatsApp hmangtute tan thu lawmawm tak a ni ngei ang. 

Meta chuan thla liam ta khan WhatsApp Group-a member awm thei zat tihpun chungchang hi an lo tarlang tawh a, a takin an kalpui ta a ni. Social media platform lian leh hman hlawh ber zinga hi WhatsApp hi kawng hrang hranga tih changtlun chhoh zel a ni a, mi tam tak harsatna tawhna thin message thawn tawh edit leh theih tawh loh pawh siam that leh theihin a awm dawn. 

WhatsApp hi thain tangkai viau mah se, file lian tham deuh inthawn nan erawh a hman tak tak theih thin loh. Hei hi company lam chuan hriain, a hmangtute harsatna sut kian nan 100MB atangin 2GB-ah an tilian a ni - file lian deuh zawk pawh a inthawn zung zung theih tawh dawn a nih chu. Emoji reaction pawh tihchangtlun chhoh a ni bawk. 

WhatsApp hian 'undo option' pawh an en chhin mek a, 'Delete for Me' atanga 'Delete for Everyone' a rawn awm leh ang deuh khan, an tichangtlung chho tulh tulh dawn a ni.