ZALEN March 9, 2025 : March 8 kha khawvel pum huap hmeichhiate ni, ‘International Women’s Day’ a ni a, he ni puala Women Entrepreneurship Summit 2025 neihah hmeichhe hlawhtlingte zinga chawimawina sang ber, ‘Lifetime Achievement Award’ chu Meriam L. Hrangchal hnenah hlan a ni.

Delhi-ah Women Entrepreneurship Summit 2025 neih a ni a, hetah hian kawng hrang hranga hmeichhe hlawhtling palai 10,000 an tel a. Award dawng turte hi kawng hrang hranga hmeichhiate chawikanna tura hmalatute an ni.

He hunah hian Industry hrang hranga mi hlawhtling tak tak hruaitu leh central sawrkar mi pawimawhten an telpui.

Summit hi Praveen Khandelwal, BJP MP, Delhi Chandni Chowk, National General Secretary, CAIT leh union minister hlui Smriti Irani leh social Innovator ten an hmanpui bawk.

Women Entrepreneurship Summit 2025 hi Confederation of All India Traders (CAIT) leh Association of Direct Selling Entities Of India (ADSEI) te buatsaih a ni.

Lifetime Achievement Award dawngtu Meriam L. Hrangchal hi Vestige Marketing Pvt Ltd hnuaiah Kum 2014 atang khan bul tan in tun dinhmunah 'Vestige Millionair Council' member a ni a, North East-ah hetiang member ni thei hmasa ber leh awmchhun ni mek. Tunah hian a kaihhruaina hnuaiah member 1,80,000 vel an awm.

Vestige Company atang hian mi 50 chuangin motor an dawng tawh a chung zingah chuan Meriam L Hrangchal hian foreign Car BWM leh a team atangin Audi la tawh an awm bawk.

Politics lamah pawh a pa Lalhmingthanga (L), Ex Minister hnung zuiin ram rawngbawl hna a thawk mek a.

Meriam L. Hrangchal hi kum 25 chhung govt middle school ah thawkin post hrang hrang ah a awm tawh thin a. Headmaster te hial niin Chhinlung academy sawrkar hnuaiah pawh a lo awm tawh a, 2020 khan superannuation-in a post Govt Middle School, Lawipu-a a thoh laiin , zauzawk a rawng a bawl theih beisei in a hna chu bansan ani.

2016 khan Edify Kids International standard school dinin India rama 'Best Franchis Award' te pawh a dawng tawh a, tunah hian Falkland ah "Alpha World School" ah Principal a ni mek bawk.