ZALEN, Feb. 20, 2025: Luidung then fai hna thawktu pawl, Save the Riparian chuan an hmalak mekna kal zelah Ningani khan World Bank kawngpuiah beihpui thlakin zu bur kg 483 an thian fai.

Save the Riparian bultum hian January 17 atang khan World Bank Road tihfai hna hi thawh tan a ni a. Thawh thuma hmalakna an kalpuiah hian district hrang hranga sikulahte zirtirna pein an chhuak bawk.

Ningania beihpui an thlakna hi Aizawl khawpui chhunga Pachhunga University College ram hnuai kawngpui vel a ni.

Save the Riparian hian Aizawl tui tlan ber, Tlawng lui hnar leh Mizoram chhung hmun hrang hrang an lo thian tawh a. Tlawmngai pawl bakah pawl dang hrang hrang leh mi mal pawlin hnatlangin an pui thin.