Aizawl June 14, 2023 : Mizoram State AIDS Control Society (MSACS) leh Association for Voluntary Blood Donation (AVBD) te buatsaihin vawiin June 14, World Blood Donor Day chu Dawrpui Multipurpose Hall-ah hman a ni a. Health Minister Dr. R. Lalthangliana chu khuallian a ni.

Kum 2022 April - March 2023 inkar hian thisen unit 37419 Mizoram pumah pek a ni a. Mahni duhthu ngei a thisen pek (Voluntary Blood Donation) hi Unit 34252 a ni a. Individual donor in unit 10744 kan pe bawk a ni. VBD % hi 91.54% a ni.

Kum 2023 Annual Blood Donor Awards hi category hrang hranga thenin heng pawl te hnenah hian hlan a ni:

MIZORAM PUM CATEGORY

1. National Service Scheme    6,093
2. Kristian Thalai Pawl    4,993
3. Mizoram Thalai Kristian Pawl    2,372

RELIGIOUS CATEGORY

1. Central KTP    3,745
2. TKP Coordination, Aizawl    905
3. Youth Evangelical Front    485

YMA CATEGORY

1. Chanmari West Branch    213
2. Aibawk Branch    142
3. Dawrpui Vengthar Branch    134

NSS CATEGORY (COLLEGE)

1. NSS, Pachhunga University College    857
2. NSS, Hrangbana College    529
3. NSS, Govt. Aizawl College    347

NSS CATEGORY (HSS)

1. Synod Higher Secondary School    207
2. Zemabawk Higher Secondary School    145
3. Helen Lowry Higher Secondary School    142

MISCELLANEOUS CATEGORY

1. Mizoram National Youth Front    142
2. Mizo Chelsea Supporters Club    78
3. Mizoram Gorkha Youth Association    71

World Blood Donor Day programme hi Betsy Zothanpari Sailo, Additional Secretary in a kaihruai a. Dr. Lalthlengliani, Project Director, MSACS in World Blood Donor Day chungchang leh a thlawna thisen pek kawnga Mizoram dinhmun leh hmalakna tlangpui report a pe a. He hunah hian thisen dawngtu (recipient) Lalneihkimi aiawhin a pa Vanneihtluanga, Durtlang Leitan hnen atangin testimony ngaihthlak a ni a. Thisen petu (donor) RL Thanhmuna, Chanmari West leh Fredy Lalrindika, Khatla East hnen atangin testimony ngaihnawm tak ngaihthlak a ni a. Dr. Zoramthanga, Medical Superintendent, CHA chuan lawmthu sawiin he hun hi a khar a ni.