Aizawl July 28, 2022 : '24th World Education Summit' ah Mizoram chu Pradhan Mantri Kaushal Vikash Yojana (PMKVY) 2.0 a India rampuma enrolment leh placement-a state titha ber niin 'Government Sector Initiative in Skill Development Award' hlan a ni.

July Ni 27 & 28, 2022 chhunga Hotel Le Meridien, Hyderabad-a neih '24th World Education Summit' a 'Government Sector Initiative in Skill Development Award' hi World Summit-a tel K. Lalhmingliana, Director, LESDE Department chuan Mizoram aiawhin Award a dawng a ni.

K. Lalhmingliana Director, LESDE Department chu Key Speaker atana sawm a nih angin he summit ah hian 'India : The Global Education Hub' tih thupui hmangin hawnna thusawi (opening speech) a neih bakah 'Edtech : The Future of Learning & Skilling' leh 'Upskilling & Re-skilling for Future-ready Workforce' chungchanga sawihona panel discussion ah a tel bawk a ni.