DOWNLOAD OUR APP

Read latest news on your phone
app-store
X-Ray khawl thar bunna tur tlawh
Dec 05, 2021

Aizawl: Lengteng bialtu MLA L.Thangmawia chuan nimin khan a bial chhunga hmasawnna hnathawh mek te a tlawh kual a, nimin zing khan Kawlkulh damdawiin (PHC) a tlawh a. Kawlkulh damdawiin atana X-Ray Epsilon EP Corsa (15KW 300mA) Rs 5,90,000 man leh a result print-na khawl FCP PRIMA Image Reader Rs 6,50,000 man, MLA-in kumin May thlaa a dil, Corporate Social Responsibility (CSR) atanga tuna NH-6 kawngpui lai mek tu, Anusha Projects (P) Ltd. in an leisak, tuna Kawlkulh damdawiin a phurh thlen tawh chu a dinhmun a enfiah.            

MLA hi damdawiina thawktute leh Mizoram State Cancer Institute atanga X-Ray lam mi thiam, Radiological Safety Officer ten lo dawngsawngin,  he X-Ray khawl hi a chhuak thar ber chi a nih thu leh ZMC leh Aizawl Civil Hospital-a an hman ang chi a nih thu te, a chhuak hlui ho aia a result a fiah that zawk thu te lo hrilh in tuna Kawlkulh damdawiina X-Ray room hi a chhuak hlui ang chi dahna tura duan a nih avangin Dark room te a la awm a, heng hi khawl tharah hian a tul tawh dawn loh avangin thiah a ngai dawn a ni. Room siamthat hna te hi zawh a nih veleh Company Engineer te chah chho vin khawl hi bunfel tur a ni. Chu mi hnuah X-Ray khawl dah phalna Atomic Energy Regulatory Board(AERB) ah tih fel a la ngai dawn bawk a ni.

MLA chuan mipui mamawhna hria a X-Ray khawl changkang tak petu Anusha Project (P) Ltd hotute hnenah lawmthu sawiin a tul anga chak taka hmalak saktu Mizoram State Cancer Institute chungah lawm thu a sawi a, he X-Ray khawl hi hman theiha peih a nih thuai theih nan hmalak chhunzawm sak turin a ngen nghal bawk.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh