Aizawl August 16, 2024 : Chief Minister Lalduhoma chuan Independence Day-a a thusawinaah Doctor, private-a thawk tel ten Non Practicing Allowance (NPA) an lak thin chu tihtawp an tum tih a sawi a, Year of Consilidation ral hunah Dearness Allowance tihpun a nih tur thu a sawi.

Chief Minister chuan, Sawrkar Doctor ten an lak thin Non Practicing Allowance chu enfiah mek a ni a, Doctor, private a practice nei te'n NPA an lak ve tawh loh nan hmalak a ni, a ti. Sawrkar hnathawkte tana Dearness Allowance tihpun rawtna chu tun hnaia Council of Minister thukhawm chuan a pawm a, Year of Consolidation a ral hnuah pek tan an ni ang, a ti bawk.

Lalduhoma chuan Sawrkar hnathawh tur leh a thawktu inbuk tawk Administratie Reforms siam a ngaipawimawh a. Sawrkar hnathawh inrem dan khaidiat a hna hniam zawkte tihchak chu dah pawimawh a ni, a ti.