Aizawl June 15, 2023 : Tuirial Bialtu MLA K.Laldawngliana chuan vawiin khan a bial chhung Kawnpui Chhimveng YMA Hall leh N.Chaltlang YMA RUN a hawng. 

Bialtu MLA Dawngtea hian vawiin chawhma khan N. Chaltlang khuaa Manipur raltlante tlawhin, Buhfai bag 10, Tel case 3, Dal bag leh Nutrela bag 1 tanpuina atan a hlan.

N.Chaltlang-ah hian YMA RUN hawng nghalin, YMA chu tanpui ngaite tanpuitu a ni a, tanpui ngaite tanpui turin tih tur hriat a ngai a ti. N. Chaltlang-a hun a hman zawh hian Bialtu MLA hian Nisapui pan nghalin Nisapui Branch YMA hnenah Oxygen cylinder leh pawisa a hlan bawk. 

Tuirial Bialtu MLA K.Laldawngliana hian chawhnu lamah Kawnpui Chhimveng YMA Hall hawng lehin YMA ten Hall tha tak an nei chu lawmawm a tih thu a sawi. Kawnpui Chhimveng YMA te hi Sound system a pe bawk. Bialtu MLA Dawngtea hian Mualvum Branch YMA ten YMA Day & Crystal Jubilee Programme buatsaih chawhlui a kilpui.