ZALEN Feb 6, 2025; February ni 4, 2025 a Siamveli Electric Veng, Hnahthial te chhungkaw chenna In kang chu nimin khan YMA Sub-Hqrs Hnahthial leh YMA Electric North Branch te ruahmanna hnuaiah sak that hnatlang thawh niin mi 200 chuang zet an thawk chhuak a, vawiin-ah thawh chhunzawm a ni.

Nimin khan YMA Electric North Branch Hnahthial chuan kangmei tuar In sak that hnatlang hi koin veng dang atang pawhin hnatlang an awm nual bawk a ni.

In hi Assam type a sak turin ruahman a ni a, a ban lei seh chin erawh RCC tum niin a dung feet 24, a vang feet 18 a lian turin ruahman a ni. 

Nimin hnatlangah hian ban khur 4 lai zovin a foundation chhun zawh a nih bakah kangmei vang tho a, Lallianbuanga In chhia thawmthat hnathawh a ni bawk.