YMA in thlanlung phun sak
Tualchhung
Jun 15, 2023

June 15, 2023; Chaltlang Lily Veng Branch YMA chuan kum 2019-a boral, a ruang a lo hlawm tawh Pu Lalthakima (Bermahoia(L)) hriatrengna Thlân Lung chu kumin 2023 YMA Day denchhenin a phun sak.

ad
ad

A chanchin tawi:- Pu Lalthakima (L) hi Mamit khaw chhuak niin, kum 2018 kum tawp lam khan Chaltlang Lily Vengah awmhmun khuarin, Sairang Road Tipper Stand chhak khâm hnuaiah a riak mai thin a. Bungbel a neih ang ang hmanga eirawng inbawl chawpin thirchhia zawngin hun a hmang thin.

A riah thinna hmun hi him loa hriain YMA hruaituten insaseng turin tha an rawn fo thin a. Belh tur a neih miau loh avangin tih ngaihna tak a vang hle.

Hun engemawchen a awm hnuah, 2018 kumtawp dawnah Sairang road, Lane Tawi thlen hma kawng chhak khamah tho Bûkte sain riahbûk a sual leh a.Hemi hnu hian a taksa a chak lo chhoin, ruihhlo ngai ten an chîm ve reng thin bawk si a.YMA hruaituten a taksa chak loh avang leh a lo that zawk theihna a nih beiseiin, ama duhdan angin TBCC, Chawnpuiah YMA sensoin an dahlut ta a. Hemi hnu hian taksa bawrhsawmna nasa zawkin tlakbuak chhoin, Ebenezer Hospital, Chawnpuiah YMA chuan a admit a.

Tlema ziaawm lam a pan deuh nia a lan hnuah Durtlang Grace Home-ah sawn chhoh leh a ni a. Grace Home-a a awm lai hian ni 14.1.2019 thimhlimah a natna a tuar loin a boral a ni.

A ruang hi hlâwmtu tûr an awm mai loh avangin, Châltlâng Lily veng thlanmualah hemi zan vek dar 9:30 - ah vuiliam a ni

Latest News & Chhiar Hlawh