September 4, 2023; Thla thar October chawhnu lama Central YMA khawmpui lian thleng turin Biate khua chu an inbuatsaih mek a, Biate khuaa Khawchung Field-ah Pandal sak hna kalpui mekin tunah hian a ruangam an zo tawh.

Biate khuain Central YMA inkhawmpui lian thlenna tur Pandal leh Pandal bulhnaia Office hrang hrang tur sak hnatlang chu ngawrh takin an nei chho zel a, khawmpui hi October ni 24-26, 2023 chhung neih tur a ni.

Zirtawpni khan Tuichangral North huamchhunga YMA Branch 9 te chuan hnatlangin Biate Branch YMA chu an pui a, hetah hian YMA Member 211 lai an thawk chhuak a. YMA Branch 9 te hian thaa an puih bakah hian Pandal sakna chak atan YMA Branch tin hian thing tlawn Pick-Up Trip 1 theuh an thawh bawk a ni.

Hei bakah hian Biate Branch YMA chu Sialhawk Branch YMA in Rs.5,000/- leh Riangtlei Branch YMA in Rs.2,000/- in an pui bawk.