ZALEN, June 18, 2025: Youth Icon 2024 Top 5 Samson Lalhunruata leh a nupui Grace-i te chuan nimin khan an fa hmasa ber ni turin Champhai civil hospital-ah fapa duhawm tak an nei. Naute hi Kg 3 niin a hmingah Matias Lalrinchhana tiin an sa. 

Samson-a hi Youth Icon intihsiakah khan a thleng sang ber pawl ni lo mah se a aw sin sang fawn nalh takin mi a hip a, tantu pawh a ngahin a tlak hnuah pawh duhsakna thilpek dawng nasa leh tun thlenga zai tura sawmna dawng tam ber pawl a ni.

Samsona leh Grace-i hi March 4, 2025 khan Champhai Kanan-ah inkutsuih in, ZALEN chuan Samson-a te nupa kan lawmpui hle a, nupa hlim tâk ni zel tûrin duhsakna kan hlan e.