ZALEN March 25, 2025; Rev. Rammawipuia Pachuau leh Lalruotmawi te fapa, Vanlalfaka Pachuau (8) chu vawiinah vui a ni dawn.

ZALEN thudawn danin, Vanlalfaka Pachuau ruang hi vawiinah Bangalore atangin Mizoram rawn thlenpui a ni ang a, zanin dar 8-ah an chenna, Durtlangah vui a ni dawn a ni.

Tarlan tawh angin, zaithiam Ruotmawii te fapa hi March ni 20, 2025, tlai dar 3:30 khan Bangalore Baptist Hospital ah a boral.

Rei tak Acute Leukemia natna nei niin, Vellore leh Bangalore lamah te lo enkawl thin a ni tawh a, tun hnaiah in lama enkawl niin, March ni 19 zan khan a zual deuh avangin a tuk zing dar 4 velah hospital pan pui a ni a. Theih ang tawka Ventilator nena enkawl nimahse, damdawiin a luh ni tlai dar 3:30-ah a boral a ni.

Amah hi Synod Hospital, Durtlang ah July 28, 2016 a piang niin, an unau 5 zinga naupang ber a ni.