ZALEN June 25, 2024; CDF Hualngoram sipai, zalenna sual avanga thi J Hmangaihthanga (36) ruang chu nimin (24.6.24) khan Rih khua-ah vuiliam a ni.

Media hrang hrang a tarlan tawh angin, CDF Hualngoram hian June ni 22, 2024 khan Matupi ah operation an nei a, he inkahna ah hian CDF Hualngoram sipai J Hmangaihthanga chu a thi a, a ruang hi Rihkhawdar thlenpui niin, lumen a nih hnuah nimin zing dar 8 khan CDF Hualngoram sipai chawimawina famkim nen ropui taka vuiliam a ni.

J Hmangaihthanga hi volleyball khel thiam tak niin, TNT volleyball club, Hunthar, Chhinga Veng leh Tuichangral tan te a lo khel tawh a ni a, best setter ah tum engemawzat thlan a ni tawh. Mizoram volleyball inelna sang ber pro volleyball league ah pawh lo inlan tawh ni bawkin, Mizoram Volleyball Association pawhin sum thu chhuah siamin an ui thu an tarlang.

Mizoramah volleyball khelin hun rei tak a awm tawh a, Myanmar tualchhung buaina a chhuah khan Myanmar ramah kirin zalenna sualtu pawl pakhat CDF Hualngoral hi a zawm a ni.