Aizawl: Road & Infrastructure Develoment Board Vice Chairman Er. H. Lalzirliana chuan nimin khan Rawpuichhip Community Hall-ah Badminton Court Mat a hawng.

Khuallian chuan infiamna leh thalaite hmasawnna kawngah Mizoram sawrkar chuan hmalakna a kalpui nasa em em a, a bial Mamit Constituency chhungah ngei pawh infiamna lama hmasawnna ruhrel chhinchhiahtlak tak tak a awm belh nasa hle tih a sawi a. Mamit District chhungah ngei pawh ni danga la hmuh phak ngai loh thil ropui tak tak a awm thar nasa hle tih sawiin, hengte hi sawrkar leh mipui tanrualna avang anih thu a sawi.

Zira chuan Mizo thalaite tana  Mizoram sawrkar-in hma a lak tawhna leh a kalpui mek chu hriatreng tlak thil ropui a nih tawh thu a tarlang a, District Sports Complex din dan leh thalaite infiamna khawvela Sports Minister Robert Romawia Royte hmalakna zarah Mizoram-ah Sports Revolution a thleng mek niin a sawi bawk.