ZALEN Sept. 16, 2024; Home Mission school, Bawngkawna pawl 10 zirlai chuan a pawisa chhar thahemtham tak chu a neitu zawng chhuakin a pe let leh.

K. Vanlalnundiki, D/o. K. Siamhluna,

Zuangtui, Three Dimension thlanga awm, tuna Home Mission School, Bawngkawna class 10 zirlai ni bawk chuan, Ṭhuampui venga thingpui dawr pakhat (Ṭhuampui Pharmacy hnuai)-a an chawlhnaah mipa pawisa ahna (wallet) a chhar a.

Wallet chhungah hian pawisa fai Rs. 15,000/- chuang leh document pawimawhte a awm a. Wallet chhunga Aadhaar card aṭangin wallet neitu, C. Lalrinawma S/o. C. Lalchhuana, Ṭhuampui veng chu zawng chhuakin, a pe leh thlap a ni.

Hetianga zirlai naupang fel leh rinawm, Lalnundikin mi wallet chhar a, a neitu dik tak zawng chhuaka a pe let leh thlap hi a ropuiin a chhuanawm tak zet a, chawimawi a phu hle a ni. A awmna veng, Zuangtui khawtlang tan leh, a school luhna Home Mission School tan pawh a hlu hlein a rinawm