Aizawl: I&PR Minister Lalruatkima chuan, “Zirlaite hi ram nghahfak, nakina kan ram hruaitu leh enkawltu tur an ni,” a ti.

I&PR Minister hian Zirtawpni khan Dinthar Veng YMA Hall-ah Dinthar vengchhunga HSLC leh HSSLC, 2020 exam result chhuaka distinction-a pass chinte lawmpuina hun a hmanpuina ah he thu hi sawiin, “Zirna chu ralthuam tha, ram leh hnam humhalh- na leh dam khawchhuahna a ni,” tiin a sawi a. Mizoram chauh ni lo ram pum huap inelna sangah pawh an hming a la lan ngei a beisei thu te, ram leh hnam chhan nan zirnaah hlawhtling turin a fuih a ni.

Lalruatkima chuan Dinthar tan Smart City Project kaltlanga smart parking leh futsal inkhelhna siam tura hmalak mek te, Information Department hnuai-ah Mini Theatre sak mek a nih thu te a sawi a. Dinthar YMA Hall chei that nan MLA-LADS kaltlangin Minister hian cheng nuai 5 a pe bawk.

Khual zahawm, bialtu Councillor R. Thanglura chuan hlawh-tling tura pawimawh hmasa ber chu thiamna a niin ei leh bar zawnna kawnga harsa zawkte pawhin mi dangte an tlan pelh theihna awlsam ber chu zirna/thiamna a nih thu a sawi.

HSSLC result chhuaka top ten-a inhlangkai mi pakhat hnenah bialtu MLA Lal-ruatkima hian laptop a pe bawk a ni.