ZALEN June 26, 2025 : Vawiin khan Hnahthial District chhung zirna In bul hnaiha Vaihlo ( Tobacco Products) zuarte pawisa chawi tir.

Cigarettes and Other Tobacco Products Act (COTPA), 2003 in thuneihna a pek angin Hnahthial District chhung zirna In bul hnaiha Vaihlo zuar an awm leh awm loh chu Superintendent of Police, Shivam Siddarth leh District Education Officer, H. Sangthanga te chuan endikna an nei a. Dan bawchhia an mante chu compound case a pawisa chawi tir an ni.

COPTA, 2003 Sec 6(b) hnuaiah hian zirna in atanga yard 100 chinah Vaihlo lam chi reng reng zawrh phalloh a ni a. Zawrh phalloh chin huam chhunga dawrte hi line eng (yellow line) a chhinchhiah niin zuar luite chu pawisa chawi tir theih an nih mai bakah dan hmanga nasa zawka hrem theih an ni.