ZALEN June 4, 2025; Pang Zirlai Pawl (PZP) Gen Hqrs Vathuampui chuan thuchhuah siamin Vathuampui leh a chhehvela zirtirtu aikal la te chu June ni 15 hma in anmahni post theuhah awm turin a ngen.

PZP chuan thuchhuan siamin Mizoram state sorkarin zirtirtu aikal lak chungchanga a hmalakna PZP in a thlawpna thu a lo siam tawh chu bawhzui chhunzawm zel ani tih an tarlang a, Vathuampui leh a chhehvel chu ngun taka an chhui hnuah mi thenkhat aikal la an la awm nia hriat a ni a, PZP Gen. Hqrs chuan pawi a tiin a ngai thutak hle tih a tarlang a, Zirtirtu aikal la zawng zawngte June ni 15, 2025 ral hma ngeia anmahni thawhna hmun a awm theuh turin a ngen a ni.

PZP chuan Mizoram sawrkar leh Autonomous District Council in a lak zirtirtute hian, lak an nih ang ngeiin anmahni ngeiin thawk se a duh hle a, hlawh tha tak sorkarin a pek, training a buatsaih sakte ngeiin Pathian rawngbawlnaa ngaiin thahnemngai takin thawk se, zirna pawhin hma a sawnpui ngei an ring tih an tarlang a.

Zirtirtu aikal la/chhawr zawng zawngte hun tiam chhunga mahni post a awm lo te chu an chungah eng harsatna pawh thleng se PZP chuan mawh a phur lovang, tiin an tarlang bawk.

#ZalenNews