Aizawl: Lunglei a college pahnih Lunglei Gov’t. College leh Gov’t. J.Buana College zirlai te chuan an college atanga zirtirtu transfer te Nov. 12, 2019 ral hmaa dah let an nih loh chuan exam chhunzawm tawh loh an rel.

Lunglei Gov’t. College leh Gov’t. J.Buana College zirlai hruaitute hian Zirtawpni khan joint meeting neiin tun dinhmunah hian Lunglei Gov’t. College-ah Arts leh Science Stream zirna te awmin, Gov’t. J.Buana College-ah Arts leh Commerce Stream zirna a awm mek a, ni 31.10.2019-a H&TE Notifictaion-ah Lunglei Gov’t. College atangin zirtirtu 5 (Mizo-2, English-1, Economics-1, Political Science-1) sawnchhuah an ni a, Gov’t. J.Buana College atangin zirtirtu 3 (Education-1, Mizo-1, History -1) sawnchhuah an ni tih an sawi a. Transfer order an duh lohzia hi leh sut tura ngenna chu Nov. 6, 2019 khan Higher & Technical Education Minister-ah an thlen tih sawiin chhan an la dawn loh avangin an lungawi lo tih an sawi a.

College 2 atanga zirlai hruaitu kal khawmte chuan sawrkar hmalakna chu ni 12.11.2019 (Thawhlehni) chhun dar 12:00 thleng ngaihchan ni sela, huntiam ral pawha thu lawmawm hriat tur a la awm lo a nih chuan Lunglei Gov’t. College leh Gov’t. J. Buana College ah hian Exam awm chhunzawm tawh lo se tiin an rel a ni.