Aizawl: Nimin khan ZPM MLA te chuan ZMC a hah taka hnathawk, medical team, sample te lo test tute, chhun leh zan rim taka thawk tute ei turin special cake an MLA zat chiah hlan a, Cake an pek ho ah hian "Kan lawm e" tih an ziak vek bawk.

Cake hlanna ah hian, ZLP leader Lalduhoma chuan thusawiin, "In thawhrimzia te kan hria a. Kan theih ang tawk te hi in ril tam huna in lo ei atan duhsakna nen kan hlan a che u," a ti a. Vanlalhlana MLA pawhin thusawiin, "Hripui dona ah mipui leh sawrkar kan thawh hona a that a vangin a lawmawm hle a, he laia thawktu te hi kan thlamuanpui tak zet che u a ni," a ti.

ZMC Nursing superintendent C.Laltanpuii chuan lawmthu sawiin, "Hetiang thilpek hi kan vawikhat dawnna a ni a, thinlung takin kan lawm tak zet a ni," a ti bawk.