Aizawl: Zirtawp zana ZMC laboratory-a sample 160 endik (test) zingah Covid 19 vei (positive) 10 hmuh chhuah a ni a. Lung-lei Civil hospital-ah sample 43 endik a niin an vaiin an negative vek thung.

Positive-te hi puitling kum 21-50 inkar leh naupang kum 7 mi, Aizawl 5, Champhai 2, Siaha 3-te niin Bihar, Assam, Delhi, West Bengal, Rajasthan, UP, Assam leh Maharashtra atanga lo kir an ni. Positive hmuh chhuah thar zinga 4 hi hnam dang, NDRF mi, Lungverha awm mek an ni a. Positive thar zinga 3-in symptoms an nei a, 7-in an nei lo thung.

Ti hian Mizoramah Covid 19 vei mi 282 hmuh chhuah a ni tawh a, mi 167-te chu dama chhuahtir tawh an niin vei mek 115 an awm. Mizorama positive hmuh ­chhuahte hi mipa 188 leh hmeichhia 94 an ni.