Aizawl: ZMC Director John Zohmingthanga chuan COVID-19 dona kawnga ZMC-a thawk volunteer te hlawh tur sawrkarin a release fel tih nimin khan a sawi.

ZMC Director chuan, ‘COVID-19 dona kawnga ZMC a hnathawk volunteer te lawmman tur (Aug leh September, 2021) cheng nuai 60.28 chu sawrkarin a rawn release a, sawrkar sum harsat lai, sawrkar hnathawk tam takte pawhin hlawh an lak tlai leh lak theih loh laia a tulna min hriatthiampuia kan mamawh sumte min ngaihtuahsak zung zungtu Finance Department leh a changtu kan Chief Minister te chungah ZMC aiawhin lawmthu kan sawi e,’ tiin thuchhuah a siam a ni.

Casual worker (volunteer) te hlawh chu hetiang hi a ni
1. Staff nurse -22,000/-
2. Gr IV - 8000/-
3. Lab Tech - 15,000/-
4. DEO - 15,000/-