Aizawl : June ni 7, 2024 khan miharsa zawkte ṭanpuina kawng chi hrang hrang a hma la ṭhin Zo Inspiration Foundation te chuan an kum 4 tlin lawmna chu Music Home, Zonuam ah an hmang a, he huna report an pek atanga a landanin cheng nuai 250 chuang an sem tawh.

Zo Inspiration Foundation hi Covid-19 hripui len lai kum 2020 June ni 7 a Emmanuel Thangrosanga'n bul alo ṭan a ni a. Covid hri len lai khan chhungkaw harsa 234 te hnenah thilpek an lo sem chhuak tawh a, vawiin thleng hian vehbur vawi 76 khawn tawh in vehbur kaltlanga an thilpek semchhuah tawh zawng zawng hi cheng ₹2,61,80,404/- a ni.

An rawngbawlna kaltlangin miharsa chenna In 18 leh Eichawp Dawr 3 sak a ni tawh a, tunah hian naupang harsa zawk 25 te zirna senso an tumsak mek bawk.

He hun hi Education Minister Dr. Vanlalthlana'n a hmanpui a, Pathian fak leh chawimawina hun hlawkthlak hman anih bakah an hmalakna a boral tawh ṭhenkhat te sunna an nei a, an hnenah hriatrengna thilpek an hlan bawk.