April 10, 2024; Tun hnai a din Zo Puakphur (Mutia agency) ah member 200 chuang an awm tawh a, chung zing a za a 70 vel te chu zirlai an ni.

ZALEN thudawn danin, Zo Puakphur kaltlangin an member ten hna hrang hrang/inhlawhfakna an thawk mek a, member pawh an inziahluh belh mek zel bawk.

Zo Puakphur anga hma an lakna ah a bikin, Aizawl New Market huam chhung bakah, Dawrpui leh Zarkawt huamchhungah te luh an tum mek a, hetihlai hian hnamdang (vai) mutia te an lo inbun ngheh tawh avangin an lut thuk lutuk thei rih lo thung.

An hruaitute sawi danin, transport lamah vai mutia an lut thuk tawh a, Mizote tan luahlan mai an harsa rih. Theihtawp erawh an chhuah mek a, sumdawnna leh hnathawhna kawngah kan tualchhungah ngei hnamdang ten theihtawp a chhuah avangin, Mizo thalaite tan pawh tan lak nasat a ngaih thu te an sawi.