August 11, 2023; Parliament chhung ngei a au chhuak thei a nihna, huaisen taka a taka hmang a, Zofate thlavang hauhtu K. Vanlalvena MP Rajya Sabha MP hi High School zirtirtu nih aia ram rawngbawl hna lo thlang tawh tu a ni.

Kum 1994 khan Mizoram Public Service Commission chuan high school zirtirtu engemawzat a la a, chung zingah chuan K. Vanlalvena pawh hi a tel.

Govt. Hrangchhuana high school a thawk tur a tih a nia, Zirtirtu hna thla 3 bawr vel a thawh laiin, Mizo Zirlai Pawl (MZP) president atan thlan tlin a ni. Ram leh hnam tan a zirlaite kaihhruai chu tul a tih zawk avangin zirtirtu hna chu a bansan ta a ni.

MZP hruaitu atanga a chawlh hnuin, politics ah a inhmang zui a, June ni 19, 2020 a Mizoram Rajya Sabha member thlanna neihah hneh taka thlan tlin a ni zui ta a ni.

Nimin Rajya Sabha rorel inkhawm a Mizoram MP, Tribal MP a nih thu au chhuahpui a, "North East tlangram hi kan ta a ni a, humhalh turin hlauh kan nei lo," ti a Manipur Zofate thlavang na tak hauhtu K. Vanlalvena hian India media house hrang hrang a luah hneh ta hle a nih hi.