ZALEN June 15, 2025: Zohmun leh Parva khawtlang chuan zirtirtu chungchanga lungawi loh an lantir chu sawrkar atanga thu lawmawm an hmuh avangin an titawp.

NGO Co-ordination Committee, Zohmun chuan Govt. Zohmun High School-a Science leh Mathematics zirtirtu an neih loh avanga June 14, 2025 (Inrinni)-a kawngzawh leh June 16, 2025 (Thawhtanni) atanga school kal tur dan an tum chu sawrkarin Science zirtirtu a pek avangin an thulh a. Remchang hmasa berah Mathematics zirtirtu pawh a pek thuai an beisei tih an tar lang.

Parva Joint Action Committee pawhin an khaw high school zirtirtu, Lungtian Govt, High School-a sawn a nih chungchanga lungawi loh lantir nan an khaw chhung zirna in zawng zawng an khar chu thuneitute nen an inbiak hnuah Udalthana atangin zirtirtu, Kamaleswar Chakma dah an tum avangin an titawp bawk.