Aizawl: MZP hruaitute chuan Zirtawpni khan inkharkhipna kalpui anih avanga Chakma Autonomous District Council Area-a harsarna tawk Zohnahthlak unaute an tlawh.

MZP hruaitute hian Parva-I,II,III & IV a khawtlang hruaitute leh NGO hrang hrangte meeting neihpuiin ram neitute laka harsatna siam nawn lo turin an hrilh a. MZP Vice President Peter Chhangte chuan, "Parva leh a chhehvel khua chu CADC area mah nise, kan pi leh pu te hun atang tawh a kan ram luah chin a ni a. A neitu tak tak chu Zofate ta niin, a ram neitu zawkte dodalna leh thlei bikna awm thin chu MZP chuan angai thiam thei lo a. Covid19 vanga inkharkhip leh engkim harsat laia a ram neitute ei leh in tur lei ve phallohna awm te chu thlengnawn tawh lo se la. Khua leh tui tha ni turin Parva leh a chheh vela hnam zawng zawngte in awm tur a ni," a ti. Chakma leh Tuikuk ten Mizote kut an thlak fo leh harsatna an siamfo pawh MZP in en liam mai lovin an phu ang tawkin a thungrul zel dawn niin a sawi.

MZP hruaitute chuan Parva-III khuaa cheng Bawm unau chhungkaw 60 hnenah buhfai bag engmawzat leh Alu bag pe in, Vaseikai Young Lai Association (YLA) hruaitute hnenah leh Damdep-II Mizote hnenah chhung-kaw harsa zawkte tan buhfai an pe bawk.