Zohnahthlak thlavang hauh inkhawm nei
![](/storage/news/post/Wg7jal1VprjqhA2OxvoynTwb3e5Se3P7KBGi2C3b.jpg)
Aizawl: Nimin khan Vanapa Hall kawtah MNF thalai chuan muanawm taka Manipur-a Meitei leh hnam dang inkara buaina chhuak chin fel duh lantirna leh Zohnahthlak unaute thlavang hauhna inkhawm an huaihawt.
He punkhawm (peaceful demonstration) hi MNF Thalai Vice President Zodinpuia chuan a kaihruai a, he huna thu sawitu MNF thalai president Dr. L.Thangmawia chuan Manipur a buaina thleng chu hnam anga Zofate dinchhuahna nise a duh tih a sawi. Dr. L.Thangmawia chuan, "Manipur a buaina thleng hi pawi kan ti tak zet a. Hei hian Zofate kan inpumkhat a tul zia a tilang a. Hrehawm kan tawrh hi Zofate insuihkhawmna nise ka duh hle a ni,” a ti a. Manipur ah remna leh muanna tluantling a awm theih nan hma an la zel dawn tih a sawi bawk a. Nimin punkhawmah hian hnampual zirlai pawl, MSU leh MZP aiawhten thu an sawi bawk.
Nimina pungkhawm te chuan a hnuaia resolution hi lungrual takin an pawm-
1. Manipur-ah remna leh muanna a awm leh thuai a, mitinte thlamuang taka an awm leh thuai kan duh tak zet a, remna leh muanna a awm theih nan Mizo mipuite sawrkar, kohhran leh tlawmngai pawlte zai ngai hram hram turin kan ngen a ni.
2. Manipur tualchhung buaina hi a rangthei ang bera chinfel a nih theihnana chak taka hma la chhunzawm zel turin sorkar laipui leh Manipur sorkar kan phut a ni.
3. Manipur-a remna leh muanna a awm theihna tur leh kan mi leh sa leh zirlai tangkhangte tanpui tura Chief Minister Pu Zoramthanga hmalakna hi chhuanawm kan ti a, Manipur sorkar pawhin tangkhang te lachhuak tura Mizoram sawrkar hmalakna lo tikhawtlai lo va, lo pui nghal zel turin kan ngen a ni.
4. Manipur a kan Zo hnahthlak unaute an harsatna tawh apianga tanpui zel turin an kiangah kan ding zel dawn a, he buaina avanga kan unau sahimna zawnga Mizoram rawn pan te hmangaihna nen lo kuangkuah turin Mizo mipui zawng zawng te kan ngen a ni.
5. Myanmar, Bangladesh leh Manipur a kan chinpui leh unaute harsatna tawk chhawmdawl tura tlawmngai pawl leh kohhran, political party hrang hrangte tanrualna hi lawmawm kan ti a. Mizo mipui tanrualna hian Zofate inpumkhatna tha zawk a siam kan beisei tlat a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024