Aizawl September 22, 2022 : New Delhi a cham mek Chief Minister Zoramthanga chuan vawiin tlai khan Union Home Minister Amit Shah chu a chennaah a lenchilh a, Zokhawsanga Assam Rifles Headquarter hawng tuin Home Minister hi a sawm.

Amit Shah nena an inkawmnaah hian Chief Minister chuan India ramin zalenna a sualchhuah kum 75 champhaphak lawmna ni pah fawmin Zokhawsang-a Assam Rifles headquarters chu hawng turin Union Home Minister hi a sawm a, Union Home Minister pawhin rawn hawn ngei a tiam thu a sawi a; hawn hun tur tak erawh la sawithat leh ngai a nih thu a sawi a ni.

Amit Shah hian Myanmar chungchang a ngaihven thu te Chief Minister Zoramthanga hi a lo hrilh a, raltlan dinhmun thui tak an sawi dun bawk a ni.