ZALEN June 25, 2024; Vawiin (25.6.24) tlai dar 3:30 vel khan Tiau lui, Zokhawthar (Balukai) ah mipa kum 22 mi a tla a, zawn mek a ni.

Zokhawthar branch YMA hruaitute hnen atanga ZALEN thudawn danin, tui tla hi Malsawmtluanga (22) s/o Zachhunga, Champhai Dinthar niin, Tiau lui kam ah in sa a hnathawk a awm an ni a.

Vawiin chawhnu lam khan Tiau lui ah hian a thiante nen inchiah dai turin an kal a, vanduaithlak takin Tiau lui, Balukai ah hian a chesual a ni.

A thianpa pakhatin chhan tumin a bei a, mahse tui a khauh em avangin chet a harsa a, Malsawmtluanga hian amah chhan tumtu hnenah an pahnih a an chetsual ai chuan thlah mai turin a ngen nia sawi a ni.

He thu ziahlai thleng hian tui tla hi zawn mek a ni a, Zokhawthar, Tiau Khawmawi leh Champhai Dinthar atangin mi tlawmngai thahnemtakin tui tla awmna hmun hi an thleng tawh a ni.