September 15, 2023; ZPM Leader Lalduhoma'n, ZPM te chu kan felfai tur a ni,” tiin, "Zu in mi pawh in a hun leh a hmun an hre ve tur a ni," a ti.

Vawiin a neih, ZPM Champhai North Block Party Meet, P.D Sena Memorial Hall, Champhai Kanan vengah hman a ni  thusawiin, ZPM Leader chuan, "ZPM te chu kan danglam tur a ni, puipunnaah midangte kalkhawm anga zu nena tih luih luih a rem ve lo," tiin, "Zu in mi pawh in a hun leh a hmun an hre ve tur a ni. Kalphung thar kan inzirtir mek lai a zu leh sa nena puipunnaa rawn chet vak vak hi a rem ve lo," a ti.

ZPM Leader chuan, “Tun hnaiah Mizoramah political revival a thleng nasa hle a, Thalai te an harha, foreign a awm te thlengin an ZPM ta vek mai niin a lang hial a ni. Chu bakah Nu ten ram an vei a upa ten politics an ngaihven mai ni lovin kan zingah min rawn ho thin hi a ropui kan ti a, ZPM a lo sawrkar a nih chuan tar pension hi Rs.1000 in kan ti pung dawn a ni,” a ti a. 

Champhai polytechnic kalphung chu tha a tih loh thu sawiin, “A building pawh rei tak hnuah pawh an zo hlei thei lo hi mak ka ti a, sawrkar a kan hotute hian ngaihpawimawh dang an nei a ni. ZPM a lo sawrkar a nih chuan chak zawkin hma kan la ang," a ti bawk.