ZALEN July 7, 2026 : ZPM Treasurer hlui C. Laltanpuia, tuna ZPM Party Consultant leh PAC member ni mek chuan vawiin khan Aizawl Press Club-ah chanchinthart thehdarhtute a kawm a, hetah hian a party awmna a duh khawp lohna leh a policy te puanzarna hun a hmang.

C.Laltanpuia chuan a hmalakna chu ZPM dona nilovin ZPM chu ram leh hnam dinchhuahna thlentu Party, innghana tlak anih theihna atan hmalakna ani thu a sawi a. Hetianga a policy te hnawl alo nih takah chuan sawrkar hi term chanve ngaichang phawt a. Policy mumal leh innghahna tlak te an lo nei anih chuan chawlhsan mai a tum a. An nei tawk lo nia a hriat avanga rawn auchhuak ve leh ta a nih thu a sawi.

C. Laltanpuia chuan sawrkar kum thum hmel hmuh chho tanah, kalphung thar a la hmuh loh thu a sawi a, mipui ngaihdan pawh a nih hmel, tiin AMC inthlan hmalamah inthlanah pawh an tla fai vek, tan lak a ngai a ti a, AMC pawh an tihthat vang nilovin AMC hmasate an lo tih that tawk loh vang mai a hlawhtling niin a lang, a ti.

Tuna sawrkar hmingthat ve na chu Policy vang ni lem lovin minister te mimal thahnemngaihna vang a ni a, a lawmawm tho a, mahse kawng tha tak neiin electric tha tak nei bawk ila mipuite hnathawh tur hre lovin vak kual mai mai ta sela awmzia a awm lo. A entir chu nu leh pa zarah in ropui tak neiin inluahman thahnem tak an tel a, mahse an fapa chuan hnathawh tum lovin nawmsip bawlna lam ngawt a eng tova, a hmalam hun chu tlakchhiat a ni mai. Hetiang vel hi mahni thawhchhuah nilo rahchhuah sengtu đìnhmun chu a ni thìn à ni, a ti bawk.

ZPM PAC member chuan, "ZPM chu kan langtlang tur a ni kan ti a ni lawmni, à dum chu a dum, a var chu a var kan tỉh kha. Chuvangin kan tihthat loh sawi mawi a, fak tlak loh infak tir hi chu keimahah beisei tur a awm lo. Political Party kan nih chuan Policy hi kan buaipuii ber niawn tak a ni a, mahse Party Office thutkhawmnaah te hian Policy sawiho hi a awm ngai to tia sawi theih a ni thin hỉ party kan din chhan kan thelh nghal niin ka hrìa. Kan hơtuten vision rawn chhawpchhuah a sawiho tur an neih thìn loh vang anih hmel hle a ni," a ti.

C. Laltanpuia chuan ZPM a duh khawp lohna point 14 te a sawi a, heng point te hmang hian naktuk, June 8, 2026 zan dar 7:00 atangin zantin Pathianni tel lovin a mal malin zantin a youtube channel C. Laltanpuia tih ah sawichhuah thin a tum a ni.