Aizawl: Zoram Peoples’ Movement (ZPM) chuan RMSA zirtirtu 32 lak an nih laia advertisment chhuah lo leh tute emaw recommend leh rinhlelhawm tak leh dik lo taka SSA leh RMSA zirtirtu lak tawh 91-te chu advertisement chhuah ngeia lak an phut tih an sawi.

Nimin chhun khan Aizawl Press Club-ah chanchinbumite kawmin ZPM Vigilance Secretary James C.Lalnuntluanga chuan tun hnaia Mizoram sawrkarin SSA leh RMSA zirtirtu 91 a lakte chu la tha leh se, thianghlim takin, duhsak bik awm lovin a tling ngeite lak ni se, a rang thei ang berin Recruitment Rules pawh siam nise an duh tih a sawi.

ZPM hruaitute chuan zirtirtu lak dawnin Advertisement chhuah ngeia lak a tul tih sawiin tuna SSA leh RMSA zirtirtu Advertisement chhuah lova lak zingah dan in a phut ang passed chhuak lo lak a awm niin an sawi a. Zirtirtu lak zing ah Chief Minister, Minister, Speaker te an inrawlh nia sawiin qualify lo pawh qualify anga recommend hial an siamsak laiin, an bio-data ah an qualify lo tih chiang takin a lang niin an sawi a. Recommend siamtute chu ngaihdam dil turin an phut tih an sawi bawk.