Aizawl; ZPM Working President K.Sapdanga chuan Zirtawp tlai khan Vairengte bul Aitlang a ramri vengtu sipaite tlawhin thei tui leh tui thianghlim in tur bawm 20 an hlan a, nimin zing khan Saiphaia police duty post an tlawh bawk.    

Ramri duty te an tlawhna ah hian thu sawiin ZPM working president K Sapdanga chuan, "He laiah hian kan sipaite'n hun rei tak atang tawh khan ramri venhim hna in thawk a, in duty a nih rualin ram tana hna ropui tak thawk in ni. Keini hian kan phak tawkah tih theih kan nei em tiin, in awmna hmun leh in khawsak dan te, Assam hmalak zel dan hmuh theih chin te kan thlithlai duh a ni. Kan ram dinhmunah duhthusama induat a har rih deuh a nih pawhin, inthuamthat dan kawng zawn a ngai hle mai, a nih loh chuan ramri chinfel dan thuruk hman a tul lutuk tawh," a ti.

ZPM Working President chuan, "Tuna kan ramin a mamawh ber chu Chief Minister mumal a ni. Zoram hian Kamrula budget ni lovin kuthnathawktute thlai thar hralhna tur price support kan mamawh zawk. ZPM au hla chu kuthnathawktute'n eizawnna ngelnghet an neih theihna tura puih hi a ni. Kawng chhawng sarih pawh siam ila kan hmunphiah leh kan kuhva hralhna tur kan hriat siloh chuan engmah a ni lo," a ti bawk.