Aizawl: Zoram Peoples Movement chuan inrenchem kalpui hmasa lova sawrkar hnathawk hlawh cut chu an duh lo tih an sawi.

Nimina thuchhuah an siamah ZPM chuan Mizoram sawrkar hian fiah fai takin Covid-19 dona atana an sum mamawh dante puang chiang phawt se, chumi hnuah sawrkar hnawthawkte hlawh hial thawh tir ngaia sum dinhmun tha loa kan ding a nih chuan austerity measures (in renchemna) ti hmasa phawtin hautak taka inrelbawlna - SEDP Board 14 a dina ruling party MLA zawng zawng Minister rank-a dah a, Minister te hlawh ang leh thil dawn ang te pek vek leh tul lo taka mipui pawisa thamral tirna dangte ti tlema hmahruai tur leh, chumi hnuah sawrkar hnathawkte hlawh chu thawh tir ve chauh hi thil tih dan turah an ngai niin an sawi a.

Hripui dona tur mipui pawisa thawh tling khawm hi sawrkarin a duh duha a thunun theihloh Independent Audit Committee ten vil ngei se, chu Audit Committee-ah chuan mi hmingtha, party hawi zawng nei lo te leh audit lama mithiamte tel ngei se ZPM duhdan a ni, tih an sawi bawk.