ZALEN February 13, 2025 : February 12, 2025-a Local Council leh Village Council General Election neih zawh takah, veng leh khaw hrang hranga LC/VC member thlan tlinte ZPM General Headquarters chuan an lawmpui tih thuchhuah an siamah an tarlang.

ZPM chuan Ram, Veng leh khawtlang tan thahnemngai taka thawk turin duhsakna an hlan a. Hmun hrang hranga LC/VC member tharte khawtlâng rawngbawlna hna thawk turin a ring tawk an ti a, mipui tana sawrkâr hmalâkna-ah tha taka thlawp a, thawhpui turin an ngen bawk a ni.

Tun VC/LC inthlana hnehna chang lo, mi tha tak tak leh Veng leh Khawtlang tana hmathlir nei tha tak takte chu an tha leh zung, ngaihtuahnate ram leh khawtlâng rawngbawlna atâna sêng a, huaisen taka hma lam pan zêl turin duhsakna an hlan bawk a ni.