ZALEN February 26, 2025 : ZPM chuan Sawrkarin kuthnathawktute bana kaih policy a taka a kalpui mekah khaw pahnih atanga Sawhthing thawnchhuahte chu a chhia a tam hle tih hmuhchhuah a ni a, a latu Reliance Company-in Mizoram Sawrkar thawn chhunzawm tawh rih lo tura thutlukna an siam chu hnam anga mualphonaah a ngai a, kuthnathawktute chu inenfiah thuai turin an chah.

ZPM chuan, "Mizoram Agricultural Marketing Board hruaituten Sawhthing lei leh hralh chungchangah 'Mizote chu hnam dangin sumdawnpui tlaka min ngaih theih nan kan rinawm tur a ni a, kan Sawhthing hralh turte pawh a fai tha tur a ni' tiin vawi tam tak mipui zirtirna thu an lo au chhuahpui tawh hnu a, khaw thenkhata kuthnathawktuten zawm duh lo a, Sawhthing faitha lo leh hralh chhuah tlak loh an thawn chhuak lui hian sawrkar hmalak leh zelna turah pawh harsatna a thlen mek a, kuthnathawktu rinawm tak takte tan pawh harsana lian tak an thlen mek a ni," an ti.

ZPM chuan Sawrkar Flagship Programme hlawhtlin leh hlawhchham kawngah kuthnthawktuten mawh an phur lian hle a ni tih inhria a, tun hnuah hetiang thil hi a thlen nawn tawh loh nan kuthnthawktute chu rilru dik tak pu turin an ngen a, bana kaih thlak lohte thlai thar Sawrkarin a lei chhunzawm sak theih loh khua an lo awm a nih pawhin hma a lak pui thei dawn lo an ti.