Aizawl: ZPM MLA te chuan nimin khan ramri a duty task force te an tlawh chhunzawm zel a. Aizawl North II bialtu Dr Vanlalthlana chuan Kanhmun atanga Bairabi panin, ramhnuaia duty buk hrang hrang te a tlawh kual a. Aizawl South - I bialtu MLA C.Lalsawivunga pawhin Myanmar ramri Tiau luia Task Force duty buk hrang hrang a tlawh chhunzawm bawk.
Bairabi chhehvela duty-te hmaah thu sawiin Dr Mathlana chuan, "Mizoram mipui ten nangni Zoram him nana duty-te hi tunah hian kan Hero dik tak in ni, tun ang hun harsa kara kan tana ding in ni miau a, nangni lo hi chu Mizo mipuite hian hero dang kan nei lo," tiin Taskforce duty te a fuih. Aizawl South I bialtu C. Lalsawivunga MLA pawhin khawchhak ramri duty post hrang hrang Chawngtui, Vaphai leh Hmawngkawnte a tlawh kual leh a, duty te ram leh hnam tana an thahnem ngaihna leh a sur a sa pawh pawisa lo a, mipuite himna atana an thawk chu zahawm a tiin fakawm a tih thu a hrilh a, kan ram mimal tin ten ei leh bar a intodelh tur a, kut hnathawktute chawi san a pawimawh zia he hripui hian harhtharna thlentir se a duh thu a sawi bawk.