ZALEN January 30, 2025 : MNF Sub Hqrs Lunglei Vice President Chawngthanmawia chuan Innghahna mumal awm lo, a chhe lai thiam tak a sawi a, a tha ber chhawp chhuah tur hre lo. ZPM sawrkar kan hrawn mek tiin, "Thingfanghma pa ang chiahin an par vak a. Rah chhuak tur an awm leh si lo a ni. Village Council inthlan lo awm turah mei mit lova Pasalthate zuitu kan candidate te leh kan mipuite kan chhuang che u a, dodalna karah nghet takin lo ding u la, nangmahni dotute hian an do hi an hre lo. Hnam thuthlung hi an do hneh ngai lovang," a ti.

Chawngthanmawia hova LC/VC Inthlan lo awm turah Thorang AC khaw hrang hrang fangin, nizan khan Thenhlumah riakin MNF VC candidate te leh party puipa te nen inkawmhona an nei a. Ningani hian Bolia leh Zawlpui Putlungasih khua a MNF VC candidate leh party mipuite nen inkawmhona an nei leh bawk. Heng khua a thusawitu Chawngthana chuan, " Thangtharte-ah Hnam anga dinchhuah tumna thinlung a lian sawt hle a. Khawvel ram changkang hmasa te ang bawkin Mizo thalaiten Nationalism pawimawhna an hre thar ta. Mi tam takin dodal thin mahse, Mizo Hnam Movement hian tawpin tai a nei thei lo."

"An hmangaihte kalsan a. Aw, Zoram ti a fehchhuak nunna hlantu tam tak martarte khan kan hnen an la thleng kim lova, nimin mai pawh khan K. Lalthansanga Mizo Hnam martar ruhro chu Ex MNA Southern Hqrs Lunglei President Vanlalhmuaka hovin a chhungte hnen Zobawk an lo thlenpui a, dodaltu leh seltu tam tak awka a thamral a. Hnam tan a martar, pasalthate erawh Zofate thinlungah an cham chhunzawm mek zel a ni. Mizo Hnam Politics Movement hi khawvel khawvel ram dangte angin industrial revolution innghat a ni ve lo. Thuthlung hmang a movement hi in tan a nih avangin Mizote dinchhuahna tur tak tak chu thangtharte mizo nationalism a kan harh a, bul kan tan hun hun hi a ni tih hi I hria ang u" a ti.