ZALEN February 6, 2025 : MNF Thalai chuan Mizoram sawrkarin a taka hnathawh nana a la hman loh sum leh Physical Progress awm lo/mil lova Utilisation Certificates (UC) sign tir tuma Officials te nawr luih tumna a awm mek niin an hria a, hei hi an vil reng dawn tih an sawi.

MNYF chuan, "Physical Progress awm lo/mil lova Utilisation Certificates (UC) pek hi kan ngai serious tak zet a. Sawrkar Officials te pawh UC dik lo chu sign lo ngam turin kan ngen vek a, hemi chungchangah hian a tul danin Officials te kan chhanin kan veng ngam tih kan puang chhuak duh a ni," a ti.

MNF Thalai chuan, "ZPM Sawrkar kal danah thil fello leh dan bawhchhiatna a tam em em a. Mipui leh High Court hmaah pawh an mualpho mek zel a nih hi. Central sawrkar schemes hrang hrang te, SASCI Loan a puk dan leh hman dan te pawh kan zirchiangin kan chhui mek zel a. An sawrkar phat atangin “Chhuanmang rorel policy” an kalpui a. Sawrkar hmasa sum hmuhchhuah sa leh sanction sa an pawngsual a, SASCI sum Cheng nuai 23331 lakhs tih lapse te kha Mizoram Sum Lapse tam record a ni. He thil pawi tak a thlen chhan hi sawrkarin Officials te zai ngai lova phuahchawp taka ‘Arkhawthim dai style’ a sawrkar a kalpui vang a ni," an ti.

"ZPM sawrkar hian sawrkar hnathawkte kalphung pangngai pelin an nawrlui fo va. MNF sawrkarin Rs 15,000 lakhs SEDP atana a dahfel thlap, Finance Deptt pawhin SEDP enkawltu Planning Deptt a a pek thlap tawh pawh Official - te mak tih khawpin thil dangah a ‘divert’ luih tir duh te kha a tenawm hle a ni," an ti bawk.