Aizawl July 9, 2024 : ZPM chuan thuchhuah siamin tunhnaia School Education Department-in Zirtirtu indaih lohna hria a Casual teacher thahnem tak a la thar chu lawmawm an ti a, ramin zirna ah nasa taka hma a sawn ngei an beisei, School Eduaction Department changtu Minister Dr. Vanlalthlana leh department a thawhtute hmalakna chu lawmawm an tiin an chhuang tih an tarlang.

ZPM chuan, "Mizoram hi India rampum ngaihtuah pawhin Literacy rate ah chuan kan sang viau thina, chutih rualin Quality education chawisan lamah nasa zawka tan kan lak a ngai hle, teaching method kan hman te, Curriculum leh kan Syllabus thleng pawhin Sawrkar thar hian a tul dan ang zelin ennawn fo se kan duh hle a ni," an ti.

"School Education Minister Dr.Vanlalthlana hmalaknaa, Casual teacher thahnem tak dik tak leh uluk taka lak an ni hi a lawmawm kan ti a, High School, Middle School leh Primary School a, casual teacher lak thar te kan lawmpuiin, Mizoram zirnain bungthar a kai ngei theih na kan ram tan thahnem ngai tak thawk turin kan beisei tlat a ni," ZPM Party chuan an ti.