Aizawl January 26, 2023: ZPM Thalai chuan Mizoram district hrang hranga DIET lecturer-te leh thawktu dangte chuan thla 6 chhung hlawh an la tawh lo, an ti a, DIET-a thawkte an rilru a hahin, an mangang hle niin an thuchhuah siamah an tarlang a, pe thuai turin sawrkar an phut.

ZPM Thalai chuan, "DIET zirtirtute leh thawktu dangte thla 6 deuhthaw hlawh la lova an awm hian MNF kaihhruai Mizoram sawrkârah zirna in ngaihsak a hlawh lohzia a târlang chiang hle a; chhuanlam dang siam lova DIET zirtirtute leh thawktute hlawh tâng tun thla tawpa pe chhuak tur leh thla dangah pawh a hun dik takah zirtirtute leh thawktute hlawh pe chhuak ngei turin MNF sawrkâr kan phut a ni," an ti.